At verða avvarðandi sjálv, hevur givið mær nakrar royndir, sum geva mær eina djúpari fatan av støðuni hjá avvarðandi. Mín fakligi kunnleiki sum sjúkrarøktarfrøðingur og mínar royndir innan arbeiði við fólki við sálarligum sjúkum ella viðbrekni, eru við til at gera, at eg kann rúma og veita avvarðandi umsorgan, hjálp og kunning á ein heilt serligan hátt.

Tað kann tíðum vera strævið at vera avvarðandi. Tí er neyðugt, at hin avvarðandi lærir seg at hava umsorgan fyri sær sjálvum, so at hann betur megnar at stuðla honum ella henni, hann varðar av. Tað er prinsippið við iltamskuni, sum er í flogfarinum: Latið tykkum í egnu masku, áðrenn tygum hjálpa øðrum". Tá kann hin avvarðandi vera ein ressursa.

Avvarðandi at fólki við sálarsjúku hava tørv á

At verða sædd, hoyrd og rúmað
At fáa betri innlit í, hvat sálarsjúka ger við tann sjúka
At fáa betri innlit í, hvussu sálarsjúka ávirkar tey avvarðandi
At hava tað gott, hóast umstøðurnar
At tosa við ein, sum sjálv kennir til at verða avvarðandi hjá einum við sálarsjúku

Umboð fyri avvarðandi

Kann tosa við avvarðandi um tað, sum liggur teimum á hjartað
Er bindilið millum avvarðandi og starvsfólk
Kann hjálpa, tá avvarðandi skal til truplar samrøður um tann sjúka

Endamálið við umboðnum fyri avvarðandi er

At skapa forstáilsi og opinleika um tann sálarsjúka
At verða við til at minka um skuldarkenslur, sum er ein tungur fylgisveinur í hesum trupulleika
At upplýsa og geva sína servitan víðari

Hentar heimasíður

Avvarðandi umboð

Avvarðandi umboð

Telefontíðir

Visión

Fá tað nýggjasta frá Landssjúkrahúsinum